Երևան 2800

Տոն ու ցնծություն էր այսօր Երևանի Հ. Ավետիսյանի անվան թիվ 74 հիմնական դպրոցում:

Երևանի 2800-ամյակին նվիրված համադպրոցական մեծ միջոցառումը մարզահրապարակ էր բերել հարյուրավոր դպրոցականների և ուսուցիչների:

Միմյաց հաջորդող բանաստեղծական տողերը՝ նվիրված Երևանին, սիրո և հպարտության զգացումով էին պարուրում բոլորի սրտերն ու հոգիները, իսկ հոգեպարար երգերի անմար ելևէջները վետվետում էին լաջվարդ երկնքում և քնքուշ ու հարազատ զգացումներ արթնացնում յուրաքանչյուրի մեջ:

Միջոցառման ընթացքում մրցասպարեզ դուրս եկան վեցերորդցիները: Ուրախության ճիչերի ու ծափերի ներքո նրանք մրցեցին միմյանց հետ՝ ներկայացնելով տարբեր տեսակի շարժախաղեր:

Միջոցառումը եզրափակվեց կավճանկարչությամբ: Աշակերտներն իրենց մտքի թռիչքով վերստեղծեցին Երևանի տեսարժան վայրերը, նրա ամեն մի անկյունը:

Միջոցառումն ասես փառաբանման մի հավերժական ձոն էր մեր սիրելի Երևանին…

Հայոց բանակը 26 տարեկան է

Այսօր Երևանի  Հ.Ավետիսյանի անվան  թիվ  74 հիմնական  դպրոցում  կազմակերպվել  էր  համադպրոցական  միջոցառում՝  նվիրված  Հայոց  բանակի  26-րդ  ամյակին:

Միջոցառումն  սկսվեց  ՀՀ  պետական  օրհներգով, որին հաջորդեցին մեր  չքնաղ  հայրենիքն  ու մեր անպարտելի բանակը  փառաբանող  բանաստեղծություններ  ու  երգեր:

Դպրոցի լույս  կամարների ներքո  թևածող  հայրենաշունչ  երգերի  անմար  ելևէջները   հպարտության  ու  արժանապատվության  մեծ  զգացումով  պարուրեցին  տասնյակ  պատանիների  ու  աղջիկների  սրտերը:

Միջոցառումն ասես  հայրենասիրական  մի  հիասքանչ  ներբող  էր՝  ձոնված  մեր  սուրբ  հայրենիքին  և  հզոր  ու  աննկուն  բանակին:

 

Ոչ՛ ծխախոտին

Նոյեմբերի 13-ին Երևանի Հ. Ավետիսյանի անվան թիվ 74 հիմնական դպրոցի 9Ա դասարանի աշակերտները քիմիայի ուսուցչուհի Գ. Մուրադյանի ղեկավարությամբ ներկայացրին իրենց հետազոտական աշխատանքը ,, Ոչ՛ ծխախոտին ,, խորագրով: Միջոցառման ընթացքում նրանք դատեցին ծխախոտին ցմահ բանտարկությամբ՝ հաշվի առնելով նրա բացսական ազդեցությունը շրջակա միջավայրի և մարդու առողջության վրա:

Միջոցառման ընթացքում խոսվեց ծխախոտի ծագման, քիմիական բաղադրության, վնասակարության մասին: Վերջում ներկայացվեց ֆիլմ, որում ամփոփ տեսանյութի ձևով ներկայացվեց աշակերտների հետազոտական աշխատանքի ողջ ընթացքը:

Երևանի ծննդյան 2799-ամյակին նվիրված համադպրոցական միջոցառում

Այսօր տոն ու ցնծություն էր Երևանի Հ. Ավետիսյանի անվան թիվ 74 հիմնական դպրոցում: Երևանի ծննդյան 2799-ամյակին նվիրված համադպրոցական մեծ միջոցառումը մարզահրապարակ էր բերել հարյուրավոր դպրոցականների:
Միջոցառումն սկսվեց ՀՀ պետական օրհներգով, որին հաջորդեցին Երևան քաղաքի և Հ. Ավետիսյանի անվան թիվ 74 հիմնական դպրոցի օրհներգերը: Հնչեցին մեր հնամենի, բայց չքնաղ ու գեղեցիկ Երևանը փառաբանող բանաստեղծություններ ու երգեր: Լաջվարդ երկնքում թևածող հոգեպարար երաժշտության անմար ելևէջները խինդ ու բերկրանք պարգևեցին տասնյակ պատանիների ու աղջիկների, իսկ միմյանց հաջորդող պարային ու սպորտային գեղեցիկ համարները նրանց հոգիները պարուրեցին հպարտության ու արժանապատվության մեծ զգացումով:
Միջոցառումը հայրենասիրության, հարազատ քաղաքի նկատմամբ մեծագույն սեր ու պատկառանք ձևավորելու մի յուրօրինակ դաս էր:

,,Ա,, հնչյունը

Երկրագնդի յուրաքանչյուր երեխա իրավունք ունի և պետք է երջանիկ ու խաղաղ ապրի, սովորի ու ստեղծագործի:
Երևանի Հ. Ավետիսյանի անվան թիվ 74 հիմնական դպրոցի IԱ դասարանում տոնական եռուզեռ էր: Աշակերտներն ուսանում էին <<Ա>> հնչյունը և նրա տառերը: Նրանք վարժ պատասխանում էին ուսուցչի` Լենա Կարապետյանի առաջադրած հարցերին, մեջբերում ասացվածքներ, հանելուկներ, երգում և արտասանում:
Դասն իսկական տոնի վերածվեց, երբ փուչիկները, ի լուր ողջ աշխարհի, աղավնիների հետ դեպի կապույտ երկինք բարձրացրին Ա տառը, որի վրա գրված էր բարեմաղթանք` ուղղված այսօրվա բոլոր այբբենավորներին:

Գիտելիքի և դպրության օր

Նորից սեպտեմբեր է,

Նորից ուրախ արև,

Նորից ծաղկահանդես է,

Նորից ողջու՛յն, բարև՛…

Այս գեղեցիկ սեպտեմբերյան առավոտը Երևանի թիվ 74 դպրոց էր հրավիրել աշակերտներին, ծնողներին, հյուրերին:

Հնդիսավոր արարողություն է՝ նվիրված Գիտելիքի և Դպրության օրվան: Դպրոցի տնօրենի բացման խոսքը հուզիչ էր և ազդեցիկ: Տիկին Բալբաբյանը վերաիմաստավորեց Գիտելիքի օրվա խորհուրդը և հույս հայտնեց, որ թիվ 74-ում սովորողները կդառնան Հայաստանի Հանրապետության ազնիվ ու լիարժեք քաղաքացիներ: Հնչեցին երգեր՝ նվիրված դպրոցական առօրյային, գրքին, դպրոցին: Իրենց առաջին վալսը պարեցին առաջին դասարանցիները: Տոնական զարդարանքը, դպրոցի գեղեցիկ ձևավորված բակը, մաքուր ու ճաշակով հագնված աշակերտները տոնին վայել մթնոլորտ էին ստեղծել: Նորից ու կրկին հնչեց այնքան բովանդակալից խոսքը.

Ողջու՜յն, սեպտեմբեր՛,

Ողջու՜յն, նոր ուսումնական տարի:

Պատիվ ունեմ

2017թ. հունվարի 27-ին թիվ 74 հիմնական դպրոցում վաղ առավոտից տոնական տրամադրություն էր իշխում: Բոլորի դեմքին ուրախության և հպարտության շողեր էին առկայծում:

Տոն էր դպրոցում, տոն էր յուրաքանչյուրի հոգում: Հայոց բանակի 25-ամյա հոբելյանին աշակերտները առանձնահատուկ ձևով էին պատրաստվել: Նրանք երգում էին, ասմունքում, ներկայացնում բազում պատումներ հայ զինվորի կյանքից: Ասես մի ոգեղեն կամուրջ էր ստեղծվել դպրոցականների և հայրենյաց պաշտպանների միջև:

Այս գեղեցիկ միջոցառումը հավաստեց, որ սերը հայրենիքի հանդեպ այն հզոր կռվանն է , որ պիտի ապահովի մեր ազգի ապագան:

Շնորհավո՛ր տոնդ, հա՛յ զինվոր:

Հեռանկար

How to draw perspective without a ruler

Draw like a pro with this simple trick.✍️?bit.ly/2kJW59T

Опубликовано 5-Minute Crafts 15 февраля 2017 г.